Қазақстандықтар бүгін «Домбыра күнін» атап өтіп жатыр

Бүгін ұлттық мұрамызды ұлықтайтын Домбыра күні! Домбыра – ұлттық болмысымызбен, тарихи тамырызбен біте қайнасып жатқан қастерлі құндылығымыз.

2018 жылғы 13 маусымдағы Президент Жарлығымен қоғамды ұлттық мәдениет пен бірегейлікті сақтау мен қайта жаңғырту идеясының төңірегінде одан әрі топтастыру мақсатында шілденің бірінші жексенбісі Ұлттық домбыра күні болып айқындалды.

Ел аумағында бірқатар мерекелік шара ұйымдастырылған. Соның бірі Алматыда кешкі сағат 20:00-де Абай алаңында қала тұрғырдары мен қонақтары үшін «Аңыз домбыра» концерті өтеді.

Сахнада Роза Рымбаева, Секен Тұрысбек, Айгүл Қосанова, Асылбек Еңсепов, «Қоңыр» тобы, «Сазген сазы» фольклорлық-этнографиялық ансамблі, «Салтанат» би ансамблі және т.б. өнер көрсетеді.

Фото: gov.kz