Коронавирус басталғалы бері білім жүйесін цифрландыру, электронды журнал жүйесін пайдаланудың маңызы арта түсті. Сабақтың көбі онлайн өтетіндіктен, көптеген мұғалімдер электронды күнделікті ұқыпты түрде қолдана бастаған. Десе де, көп өңірлерде интернеттің жетімсіздігінен бұл мәселе әлі күнге күн тәртібінен түсе қойған жоқ деуге болады. Осы орайда, арнайы статистика жүргізіліп, қай өңірдің электронды журналды көп пайдаланатыны да анықталған.
Жыл басынан бергі есепке жүгінсек, қазір Шымкент қаласы ұстаздары Kundelik.kz-ті қолдану бойынша көш бастап тұр. Қазір электронды күнделік жүйесіндегі шымкенттік мұғалімдердің белсенділігі 97,3 пайызға жеткен. Өткен жылдың екінші жарты жылдығындағы қорытынды бойынша үздік деп танылған Шымкент қаласы Kundelik.kz-тің «Алтын түймесіне» ие болды.
Айта кету керек, Шымкенттен кейінші орындарда Атырау облысы мен Алматы қаласы тұр.
