Шымкент қаласына жұмыс сапармен келген сенат депутаттары «Әл-Фараби» атындағы мектептің жағдайымен танысты. Жалпы бұл ғимарат бұрын мейрмахана болған еді. Бірақ, осы жылдың басында жеке меншік мектепке айналған. Мұнда қазір 1300 бала білім алып жатыр. Сенаторларды қызықтырғаны кәсіпкерлердің той бизнесінен білім беру саласына көңіл бөле бастаған бастамасы болса керек.
Сенаторлардың сұрақтарына жауап берген қалалық білім басқармасының басшысы Жанат Тәжиева биыл шаһарда 32 мектептің құрылысы басталғанын тілге тиек етті.
–Шаһарда 35 жекеменшік мектеп бар, оның 29-ы ақысыз оқытуда. Яғни, жан басына қаржыландырумен білім беріп жатыр. Қалған 6-ы ақылы. Олардың қосымша ақылы білім ұсынып, ақысын көбейтуге мүмкіндігі есебінен сабақты түс қайта ұзарту мүмкіндігін жасап отыр.
Бұдан бөлек, 14 үш ауысымды, 1 апатты мектеп бар. 32 мектептің құрылысы жүргізілуде. Оның 20-сы пайдалануға берілді. Төртеуі мемлекеттің, қалған 16-сы инвесторлардың есебінен салынып жатыр. Алдағы бес жылдықта жаңадан 72 мектеп салып, 68 500 орынмен толықтыруды жоспарлап отырмыз. Ал мектебі жоқ елдімекен саны 13-тен 11-ге түседі деп отырмыз, - деді Ж.Тәжиева.
Байланысты жаналықтар
MalimBlocks
