Алматылық «Қайрат» футбол клубының УЕФА Чемпиондар лигасындағы іріктеу кезеңіндегі қарсыласы белгілі болды, деп хабарлайды Malim.kz.
Жеребе қорытындысы бойынша, қазақстандық команда турнирдің бірінші іріктеу кезеңінде Черногория чемпионы «Сутьеска» клубымен кездеседі.
Сонымен қатар Қазақстанның өзге өкілдері де еурокубоктағы қарсыластарын білді.
Конференциялар лигасының бірінші іріктеу кезеңінде елордалық «Астана» Албанияның «Динамо Сити» командасымен ойнайды.
Ал семейлік «Елімай» Арменияның «Алашкерт» клубына қарсы алаңға шығады.
Еурокубоктағы алғашқы матчтар шілде айында өтеді. Командалар келесі кезеңге өту үшін екі ойынның қорытындысы бойынша жеңімпазды анықтайды.
