Шымкенттің оқушылары – үздік команда!
Шымкент қаласындағы білім беру сапасының жақсарғанына бір мысал шымкенттік оқушылар түрлі республикалық білім сайыстарында алдыңды қатардан көрініп жүр. Тіпті, қиын дейтін ғарыш саласында да шымкент оқушылары үлекен бәсекеге сай болып жүр.
Мәселен, Алматы қаласында сәуір айының ортасында Төкен Омаров атындағы Республикалық ғарыштық физика мен астрономиядан мектеп оқушыларының жарысы өтті. Бір аптаға созылған ғарыштық жарыста шымкенттік топ «үздік команда» марапатын иеленді. Олар ғарыштық аппаратта және ракета тасымалдаушылар, ғарыштық биология және медицина, астрономия және астрофизика, экология және космонавтика, электроника және энергетика дегендей күрделі бағыттарда өз зерттеулерін ұсынып, берілген сынақ тапсырмаларды команда боп шеше білумен ерекшеленді.
Жалпы, мұндай ғылыми жобалар конкурсының мақсаты – ғарыштық бағыттағы факультативтік үйірмелердің жұмыстарын жандандыру, ғарыш және ғарыштық технологиялар туралы білімдерді оқып білу және оны тәжірибеде пайдалану, талантты оқушыларды анықтау, олардың мамандық таңдауларына көмектесу. Міне, осындай салада да Шымкент оқушылары тыс қалып жатқан жоқ.
Республикалық ғарыштық физика мен астрономиядан ғылыми жоба жарысы бойынша 7-10 сынып оқушыларына түрлі дәрежедегі дипломдар табысталды. Талантты оқушылардың жетекші мұғалімдеріне Білім және Ғылым министрінің «Алғыс хаты» табысталды.