Алматыда Халықаралық әйелдер күні қарсаңында ҚР Президентінің жанындағы Ұлттық ғылым академиясы салтанатты іс-шара өткізді. Оған еліміздің әр өңірінен келген жетекші ғалым әйелдер қатысты.
Жиынға еліміздің әр өңірінен 70-тен астам жетекші ғалым-әйелдер қатысып, Ұлттық ғылым академиясының Құрмет грамоталарымен марапатталды.
Ұлттық ғылым академиясының Президенті А.Күрішбаев ғылымды дамытуда арулардың үлесі орасан зор екенін және ғалымдардың жалпы санының 60%-ға жуығын құрайтынын атап өтті.
Ұлттық ғылым академиясы салтанатты жиында Құрмет грамоталарымен марапатталған ғалым-әйелдердің еңбегін жоғары бағалады. Сондай-ақ отандық ғылымның одан әрі дамуын ынталандыру мақсатында Қазақстан мен Орталық Азияның тұңғыш әйел-академигі Найля Базанова атындағы алғаш рет ғалым-әйелдерге арналған Ұлттық ғылым академиясының марапаты тағайындалды.
Фото: ашық дереккөзден
