Көрнекті жазушы, журналист, драматург, «Құрмет» орденінің иегері, қазақ әдебиетінде ғылыми-қиял жанрының өрістеуіне айрықша үлес қосқан қаламгер Медеу Сәрсеке өмірден өтті. Қаралы хабарды Мәдениет және ақпарат министрлігінің баспасөз қызметі жеткізді. Қаныштанушы Медеу Сәрсеке 88 жаста болатын.
Медеу Сапаұлы - «Ғажайып сәуле», «Көрінбестің көлеңкесі» мен «Жетінші толқын» ғылыми фантастикалық туындыларының авторы. Сондай-ақ өзі еңбек еткен кенді Алтайдың тіршілік-тынысын, өмір ағысын суреттейтін «Жаңғырық», «Көмбе» романдарын жазды. «Сәтбаев», «Ебіней Бөкетов» атты деректі ғұмырнамалары мен «Шығыс хикаясы» пьесасы оқырманның жүрегінен орын алды.
А.Беляевтің «Қос мекенді адам» романын қазақ тіліне аударды.
Медеу Сапаұлының академик Қ. Сәтбаев жайлы «Планета Сатпаева» және «Через тернии» кітаптары әлемнің 112 еліне тараған.
ФОТО: Мәдениет және ақпарат министрлігі
Байланысты жаналықтар
MalimBlocks
