«Жұмаққа жетелейді»: Француздар Димаштың дауысына тәнті болды
Николя Саркозидің әйелі Димаш Құдайбергеннің дауысынан алған әсерін бөлісті
Әлемге әйгілі әнші Димаш Құдайберген Франциядағы Елисей сарайының қонақтарына арнап француз тілінде «SOS d’un terrien en détresse» әнін шырқап, қазақтың «Дайдидау» халық әнін таныстырды, деп хабарлайды Malim.kz.
Өнер иесі мемлекет басшысы Қасым-Жомарт Тоқаевпен бірге Францияға барған. Димаштың өнеріне Францияның экс-бірінші ханымы Карла Бруни ерекше тәнті болған. Николя Саркозидің әйелі Димаш Құдайбергеннің дауысынан алған әсерін бөлісті.
"Кешегі кеште қазақтың тамаша әншісі Димаш Құдайбергенді тыңдау бақытына ие болдым. Кей дауыстар бізді жер шарынан алысқа ұшырып, жұмаққа екі қадам жерге дейін жетелейді. Бар болғаныңыз үшін рақмет, Димаш! Сіздің орасан зор талантыңыз үшін, абсолютті грацияңыз үшін, ерекше дауысыңыз үшін рақмет", - деп жазды Карла Бруни.
