Маңғыстауда “Қолдау” орталығы” ұйымы "Zerde+" жобасы аясында 80 маманды емдік дене шынықтыру бағытында оқыту курсынан өткізді, деп хабарлайды Malim.kz.
Арнайы мамандарға, логопед, дефектолог, психолог, пед.-ассистент, дене шынықтыру пәні мұғалімдері мен ЕДШ мамандарына өткізілген курс 8 сағатты қамтыды.
Интенсив-курсты 33 жыл денсаулық сақтау саласында тәжірибесі бар сарапшы, қазіргі таңда «БолашақК» қоғамдық қорының жанындағы медицина оңалту орталығының аға емшібикесі, кинезиотерапевт, кинестетикс маманы, ЕДШ нұсқаушысы, сылап-сипау әдіскері, тәжірибелі маман Гулмира Джумашева өткізді.
Оқытудан өткен мамандарға арнайы сертификаттар табысталды. Курс барысында теориялық біліммен қатар, практикалық жұмыстар жүргізілді. Курс қатысушылары өз тәжірибесінде кездескен мәселелерімен бөлісіп, өз сұрақтарына жауап алды.
Айта кетейік, оқыту курстары Маңғыстау облысының білім басқармасының тапсырысы аясында "Қолдау" орталығы" жеке меншік мекемесінің ұйымдастыруымен, ерекше білім беруді қажет етушілерді қолдау мақсатында өткізіліп отыр.
Байланысты жаналықтар
MalimBlocks
