Рэкетир фильмінде ойнаған актер Мұрат Бисембин қатерлі ісіктен емделіп жатыр
Бұл жайлы аталған фильмде басты рөлдердің бірін сомдаған актер Саят Исембаев әлеуметтік желідегі парақшасында хабарлады
Исембаевтың айтуына қарағанда, Мұрат Бисембин қаржылық қолдауға зәру.
– Сіздерден көмек керек. Әріптесіміз ауыр дертке шалдықты. Онкология. Қазір емделіп жатыр. Рухы жанышталған жоқ, – дейді Саят Исембаев.
Мұрат Бисембин ақпарат құрлардарына ауру жайлы пікір білдірді. Оның сөзінше, үш жарым ай бұрын лоқсып, жүрегі айнып, ауруханаға түскен. Дәрігерлер оған қатерлі ісік диагнозын қойған.
Қазірде актер Алматыдағы онкологиялық орталықта 4 рет химиятерапия курсын алған. Енді жақындарының кеңесімен аурудан емделетін шетелдік клиника іздеп жатыр. Сол үшін халықтан қаржылық көмек сұрауды ұйғарған.
Мұрат Бисембин 1972 жылы туған. Ол «Рэкетир» фильмінде Руслан рөлімен танымал болды. Оған дейін «Сіз кімсіз, Ка мырза?» «Бауырлар», «Томирис» және басқа фильмдеріне түскен. Отбасылы. Үш баласы бар.
Фото: instagram.com/murat_bissenbin
MalimBlocks
