БҚО-да табылған киік өлекселері өңір тұрғындарын алаңдатып қойды
Бірақ мамандар ауру емес, табтиғи өлім екенін айтады
Батыс Қазақстанда мессенджерлер арқылы таралған бейнежазбадағы өліп жатқан киіктердің көрінісі үлкен алаңдаушылық туғызды. КТК телеарнасының хабарлауынша, бейнематериалдарда өліп қалған және әлі тірі, бірақ ауыр тыныс алып, құрысып жатқан киіктер көрсетілген. Жергілікті тұрғындар бұған дейін пастереллезден мыңдаған киіктің қырылғанын жақсы біледі, сондықтан жаңа аурулардан қауіптеніп отыр, деп хабарлайды Malim.kz.
Мамандар оқиға орнына барып, әзірге тек жеті өлі киік тапты. Алайда олардың неден өлгенін анықтау мүмкін болмады, өйткені денелері шіріп кеткен. Дегенмен, инспекторлар жануарлардың жағдайы тұрақты түрде бақыланып отырғанын және алаңдауға негіз жоқ екенін айтты. Табиғи өлім әрқашан болған және бұның да табиғи құбылыс екеніне сендірді.
Киік өлекселері өзара әрекет схемасына сәйкес арнайы мал қорымына көмілді. Қыркүйекте Ұлттық ветеринария референттік орталығының мамандары адамдар мен жануарлар үшін аса қауіпті түрлі ауруды зерттеу үшін ақбөкендердің ұшасынан сынама алды. Осы сынамалардың нәтижелері бойынша теріс нәтиже көрсетілді, яғни ешқандай ауру, соның ішінде пастереллез анықталған жоқ, деді Батыс Қазақстан облыстық орман шаруашылығы және жануарлар әлемі инспекциясының бас маманы Арман Ізімғалиев.
Фото: скриншот
