Абай облысында пәтер кезегінде 20 мыңға жуық адам тұр
Алдағы 3 жылда баспанамен 7 мың отбасы ғана қамтылады
Абай облысында тұрғын үй кезегінде 20 мыңға жуық адам тұр. Ал облыс орталығы Семейде – 14 мың. Бұл туралы өңір басшысы Нұрлан Ұранхаев Орталық коммуникациялар қызметінде өткен брифингте айтты, деп хабарлайды Malim.kz.
Оның сөзінше, кезектегілердің арасында 2 784 адам көпбалалы отбасылардан.
Бүгінде жалпы ауданы 246,9 мың шаршы метр болатын 39 көппәтерлі және 370 жеке тұрғын-үй құрылысы жүріп жатыр. 2 100 отбасын үймен қамту жоспарланған, деді ол брифингте.
Әкімнің айтуынша, алдағы үш жылда тағы 148 көпқабатты тұрғын үй (шамамен 694 мың шаршы метр) салу жоспарланған. Бұл, 7 мыңдай отбасын баспанамен қамтуға мүмкіндік береді.
Фото: ortcom.kz
