АЭС-ті қай мемлекет салуы мүмкін
Сейсенбі күні Үкімет отырысына келген «Қазақстанның атом электр стансасы» ЖШС бас директоры Тимур Жантикин Қазақстанда АЭС-ті кімдер салуы мүмкін екенін айтты.
- 2019 жылы біз ең озық шетелдік атом технологияларын жеткізушілерден міндетті емес техникалық-коммерциялық ұсыныстарды алу бойынша маркетингтік процедураны жүргіздік.
Нәтижесінде Қытайдан, Оңтүстік Кореядан, Ресейден, Франциядан және АҚШ-тан 6 вендордан 13 заманауи реактор жобасын алдық. Ұсынылған технологияларды алдын ала бағалау үшін әлемдік тәжірибе мен МАГАТЭ ұсынымы негізінде өзіміздің бағалау жүйемізді әзірледік. Оны Францияның танымал Assystem инжиниринг компаниясы мақұлдады, - деді ол.
Тимур Жантикиннің сөзінше, шорт-парақшаға 4 жеткізуші енгізілген. Олар:
PR1000 реакторымен қытайлық CNNC компаниясы;
APR1000 және APR1400 реакторларымен корейлік KHNP компаниясы;
ВВЭР-1200 реакторымен ресейлік Росатом компаниясы;
PR1200 технологиясымен франциялық EDF компаниясы.
Ал энергетика министрі Алмасадам Сәтқалиевтың айтуынша, АЭС құрылысы елімізде 8 мың адамды жұмыспен қамтиды.
Материал Қазинформ агенттігі негізінде дайындалды
Фото: gov.kz
