«Қуатты өңірлер – ел дамуының драйвері» жобасы елдің әр түкпірінде табысты жүзеге асырылуда. Үкімет басшысы Олжас Бектенов Маңғыстау облысына жұмыс сапарымен арнайы барып, аймақтың туристік әлеуетімен, сондай-ақ көлік-логистикалық тыныс-тіршілігімен жіті танысты, деп хабарлайды Malim.kz.
Іссапар шеңберінде О.Бектенов Ақтау, Құрық теңіз кемежайында болып, одан кейін Кендірлі курорттық аймағына барды. Нысандардың даму бағыттары қаралды.
Құрық теңіз портында 2024 жылдың қаңтарынан бері жүктерді алмастырып тиеу көрсеткіші 1,5 миллион тоннадан асты. Ағымдағы жылдың желтоқсан айының соңына дейін жүк көлемі 2,2 миллион тоннаға дейін жеткізілмек. Биылдан қалмай жоспарланған жұмыстарды соңына жеткізіп, астық терминалын қолданысқа енгізу көзделуде. Өңірде сонымен бірге логистикалық кластер құрылады және паром флотын жаңғырту жүргізіліп жатыр. Осылайша бір жылда жобалық қуаты 6 миллион тонна жүк тасымалданбақ. Құрық теңіз кемежайы жыл – он екі ай автокөлік және теміржол паромдарын қабылдауға қауқарлы. Бұл мақсатта арнайы мамандандырылған 4 айлақ жұмыс істеп тұрғаны белгілі.
Кездесуде Олжас Абайұлына химия өндірісі, мұнай өңдеу, энергетика өзге де салалар бойынша қолданылатын қазақ-неміс бірлескен жобасы таныстырылып өтті. Бұл - «жасыл» сутегін өндіруге арналған жүйе. Кәсіпорын 2 млн тонна өнім өндіреді. Оған 50 еуро инвестиция құйылып отыр. Ендігі кезекте су тұщытатын зауыт пен энергиялық қуаты 40 ГВт болатын Жылу электр станциясын ел игілігіне беру жоспарлануда. Сәйкесінше, халық жұмыс істеп, табыс табады. Яғни, 1800 жұмыс орны ашылғалы тұр.
Ақтау теңіз сауда порты Транскаспий халықаралық көлік дәлізін өркендетуде айрықша рөлге ие. Кешенді кемежай қазіргі озық халықаралық стандарттарға толықтай сай келеді. Техникалық құрал-жабдықтары түгел. Нысаннан 11 млн тоннадан астам жүк өтеді. Портта 3 мұнай құюға арналған және 3 құрғақ жүк айлағы бар. Ол жыл сайын 800 мың тонна ауыл шаруашылық өнімін өткізе алады. 2024 жылғы 8 айда портпен 3 миллион тоннадан астам жүк Иран, Түрікменстан, Әзірбайжан, Ресей елдеріне жөнелтілген.
Алдағы уақытта Ақтау порты қасынан контейнерлік хаб салынып, өндіріс көлемі ұлғая түспек.
Фото: Үкімет
Байланысты жаналықтар
MalimBlocks
