Ресейден кіргізілмекші болған 500 тоннадан астам бидай кері қайтарылды

Биыл 11-12 қыркүйегінде БҚО-ның Ресеймен шекаралас теміржол фитосанитариялық бақылау бекетінде 8 вагон бидай табылып, Ресейге кері қайтарылды, деп хабарлайды Malim.kz.

Ауыл шаруашылығы министрлігінің мәліметінше, көрші елден келген 526 тонна астық Саратов және Тула облыстарынан Шымкент қаласына жеткізілу керек болған.

Бұл жұмысты өсімдіктер карантині жөніндегі мемлекеттік инспекторлар ҰҚК ШҚД «Жайық» шекаралық бақылау бөлімшесінің әскери қызметшілерімен бірлесіп жүргізеді.

Естеріңізге сала кетейік, ішкі нарықты қорғау және астықты кері экспорттау жағдайларын болдырмау үшін 2024 жылғы 26 шілдеде сыртқы сауда саясаты және Халықаралық экономикалық ұйымдарға қатысу мәселелері жөніндегі ведомствоаралық комиссияның отырысында транзитті қоспағанда, үшінші елдерден және ЕАЭО елдерінен Қазақстан аумағына көліктің барлық түрімен бидай әкелуге тыйым салуды енгізу туралы шешім қабылданған.

Фото: eldala.kz/kz