Жыл басында қырыққабат қымбаттады
Әлеуметтік маңызды азық-түлік бағалары бір аптада болмашы өсім көрсеткен
2025 жылдың 8 қаңтардағы жағдай бойынша, әлеуметтік маңызы бар азық-түлік тауарлары бағасының орташа индексі 100,2%-ды құрады. Былтыр 9 қаңтарда бұл көрсеткіш 100,1% болған, ал 5 жылдық динамика бойынша осы кезеңде өсім 4,7% болды, деп хабарлайды Malim.kz.
Ұлттық статистика бюросының мәліметі бойынша, бір апта ішінде 3 тауардың орташа баға индексі төмендеген, олардың қатарында: рожки – 0,2%, қант пен тұз – 0,1%.
Бидай ұны, нан, қарақұмық жармасы, сары май, сиыр еті, сүт пен сүзбенің орташа баға индексі тұрақты.
Осы кезеңде кейбір тауар түрлеріне орташа баға индексінің көтерілгенін байқауға болады. Олар: қырыққабат – 2,1%, күнбағыс майы 1,1%, картоп- 0,8%, сәбіз – 0,5%, айран – 0,4%, пияз – 0,3%, жұмыртқа – 0,2%, күріш пен құс еті – 0,1%.
Статистикалық деректер бойынша баға өсімінің төмен көрсеткіші Алматы облысы мен Солтүстік Қазақстан облысында тіркеліп отыр. Ал баға өсімі жоғары өңірлер қатарында Ақмола, Ұлытау, Ақтөбе және Батыс Қазақстан облыстары бар.
Фото: pexels.com
