Еуропадағы аптап ыстық салдарынан 10 мыңнан астам адам қайтыс болды. Бұл туралы Deutsche Welle Дүниежүзілік денсаулық сақтау ұйымының (ДДҰ) қолдауымен жұмыс істейтін EuroMOMO бағдарламасының деректеріне сілтеме жасап мәлімдеді, деп хабарлайды Malim.kz.
Зерттеушілер Еуропаның 27 еліндегі өлім-жітім көрсеткіштерін талдаған. Маусым айының соңында ең жоғары көрсеткіш Франция мен Бельгияда тіркелді.
Деректерге сәйкес, Германияда аптап ыстықтан шамамен 5100 адам, Ұлыбританияда 2700 адам көз жұмған.
Сонымен қатар Еуропаның 12 ірі қаласын қамтыған зерттеу Милан, Париж және Барселона тұрғындарының көбірек зардап шеккенін көрсетті. Бұл үш қалада 2300-ге жуық адам қайтыс болған.
Мәліметке сәйкес, қайтыс болғандардың 9 мыңнан астамы – 65 жастан асқан азаматтар.
