Камчаткада 5,5 магнитудалы жер сілкінісі болды, деп хабарлады ТАСС.
Камчаткада магнитудасы 5,5 болатын жер сілкінісі тіркелді. Бұл туралы Ресей ғылым академиясының Біріккен геофизикалық қызметінің Камчатка филиалы хабарлады.
Сейсмологтердің мәліметінше, жер сілкінісінің ошағы 65,3 шақырым тереңдікте орналасқан.
Жерасты дүмпулері Петропавловск-Камчатский қаласынан 275 км қашықтықта болған.
Әзірге жер сілкінісінің сезілгендігі туралы мәлімет жоқ.
Еске салсақ, шілденің аяғында Камчатка тарихында ең күшті жер сілкінісі тіркелді. Оның магнитудасы 8,7-ге жетті.
Фото: РАН
