4 адам көз жұмған зауыттағы апат: Жұмыс беруші кінәлі деп танылды
Зауыт басшылығының технологиялық тәртіпті сақтамағаны анықталды
Қарағандыдағы «YDD Corporation» ЖШС ферроқорытпа зауытында болған апаттан 8 жұмысшы зардап шегіп, төртеуі қаза тапқан еді.
Комиссия тексерісінің нәтижесінде жұмыс берушінің кінәлі екенін анықталды.
Кәсіпорында травматикалық факторлардың әсерін болдырмау үшін шұғыл шаралар тиісті дәрежеде қабылданбағаны, қауіпсіз еңбек жағдайлары мен қызметкерлердің ережелерді, нұсқаулықтарды және технологиялық тәртіпті сақтамағаны анықталды, - делінген ҚР ЕХӘҚМ хабарламасында.
Арнайы комиссияның тергеу нәтижелері және жиналған материалдар оқиғаға кінәлі адамдарды жауапқа тарту үшін құқық қорғау органдарына беріледі.
Фото: ortalyq.kz
