Алматыдағы стоматологиялық емханадан 13 мың вейп табылды (ВИДЕО)
Барлығы тәркіленіп, қылмыстық іс қозғалған
Алматыдағы стоматологиялық емханалардың бірінде электронды темекінің заңсыз айналымы анықталған, деп хабарлайды Malim.kz.
Тінту кезінде емхана қоймасынан 13 мыңға жуық вейп табылып, тәркіленген.
Заңсыз ойын бизнесін ұйымдастырғаны үшін бұрын сотты болған 32 жастағы ер адам анықталды және ұсталды, ол электронды темекінің заңсыз айналымын жасағанын мойындады.
Оның айтуынша, ол заңсыз баю мақсатында досының емханасында уақытша сақтау үшін қойма ұйымдастырып, тыйым салынған вейп құралдарын жасырын сатумен айналысқан. Қылмыстық істі Медеу аудандық полиция басқармасы тергеп жатыр, деп мәлімдеді Алматы қаласы ПД экстремизмге қарсы күрес басқармасының бастығы полиция подполковнигі Асхат Дәулетияров.
Естеріңізге сала кетейік, 2024 жылдың 20 маусымында Қазақстанда вейптерді сатуға тыйым салатын заң нормалары күшіне енді.
Қылмыстық кодекске 301-1-бап қосылды (Шылым шекпейтін темекі өнімдерінің, электронды тұтыну жүйелерінің (вейптар), хош иістендіргіштер мен оларға арналған сұйықтықтардың айналымы).
Фото: pexels.com
Байланысты жаналықтар
MalimBlocks
