Ақтауда жол талғамайтын көлік тізгіндеген мас жүргізушісі ішінде кішкентай балалар отырған көлікке соққан. Бұл туралы Lada жазды, деп хабарлайды Malim.kz.
Ғаламторда 18 мамырдан 19 мамырға қараған түні болған жол апатының салдарын көрсеткен бейнежазба жарияланған.
Куәгерлердің айтуынша, Toyota Land Cruiser Prado жүргізушісі 20-шы шағын ауданнан келе жатып, қарсы жолақпен келе жатқан көлікпен соқтығысқан. Соған қарамастан жол-көлік оқиғасына кінәлі жүргізуші тоқтамастан жүріп кете берген.
Сол бетімен барып, 12 шағын аудандағы «Жас қанат» спорт кешені тұсындағы көше қиылысында Kia көлігіне соққан. Ал Kia-ның ішінде жас балалары бар отбасы отырған. Жол талғамайтын көлік иесінің мас болғаны айтылады.
Облыстық полиция департаменті оқиға кезінде Toyota Land Cruiser Prado жүргізушісі мас болғанын растаған. Ол әкімшілік жауапкершілікке тартылып, көлігі айып тұрағына қойылды.
Маңғыстау облыстық жедел және шұғыл медициналық жәрдем станциясы дәрігерлерге қоңырау 23:05-те түскенін хабарлады. Бір адам зардап шеккен, бірақ ол ауруханаға жатқызудан бас тартқан.
Фото:
