Ақтөбеде бұрынғы әйелін тұншықтырып өлтірген ер адам 11 жылға сотталды
Сотта сотталушы кінәні толық мойындады.
Ақтөбеде бұрынғы әйелін өлтірген ер адамға үкім шықты, деп хабарлайды Malim.kz.
Іс Ақтөбе облысының қылмыстық істер жөніндегі мамандандырылған ауданаралық сотында қаралды.
Сот 2024 жылдың 1 ақпанында Темір ауданының Сарыкөл кентінде сотталушы бұрынғы әйелінің үйінде болған кезде жанжал үстінде оны тұншықтыра бастағанын анықтады. Механикалық асфиксия нәтижесінде әйел қайтыс болды.
Сотта сотталушы кінәні толық мойындады.
Сот үкімімен Қ. ҚК-нің 99-бабы 1-бөлігі («кісі өлтіру») бойынша кінәлі деп танылды және оған 11 жыл бас бостандығынан айыру тағайындалды. Сотталғаннан жәбірленушінің пайдасына 20 000 000 моральдық зиян, 318 062 теңге материалдық залал өндірілді, - деп хабарлады Ақтөбе облысының қылмыстық істер жөніндегі мамандандырылған ауданаралық сотының баспасөз қызметі.
Үкім заңды күшіне енген жоқ.
Қайғылы оқиға 2024 жылдың 31 қаңтарынан 1 ақпанға қараған түні Темір ауданының Шұбарши ауылында болған.
Коллаж: inbusiness.kz
