Астанада мас адам біреудің көлігін Қарағандыға айдап кеткен
Жәбірленуші көліктің артқы есігін құлыптамай қалдырған
Елордада мас адам біреудің көлігін айдап кеткен. Жергілікті тұрғын құқық қорғау органдарына көлігінің ұрланғаны жөнінде шағымданған, деп хабарлайды Malim.kz.
Елорда полициясының мәлімдеуінше, жедел іздестіру іс-шаралары барысында Байқоңыр аудандық криминалдық полиция қызметкерлері Nexia автокөлігін айдап кеткен 31 жастағы жас жігітті ұстаған. Ол іздеуде болған автокөлікті мас күйінде айдап кеткен.
Тәртіп сақшыларының айтуынша, ұсталған азамат көршілес көпқабатты үйдің ауласында тұрған артқы есігі құлыпталмаған шетелдік көлікті ұрлап кеткен.
Ашық тұрған көлікке мініп, құралдың көмегімен көлікті іске қосып, Қарағанды қаласына қарай жол тартқан. Ер адам өз кінәсін мойындады. Осы дерекке қатысы бар адамға қатысты қылмыстық іс қозғалды. Жедел уәкілдер заттай айғақты тәркілеп, көлікті иесіне қайтарды, деп жазылған ресми хабарламада.
Фото: acat.kz
MalimBlocks
