Бақытжан Байжановтың кассациялық шағымы қаралатын күн белгілі болды
Шағым қаралатын күн Сот кабинеті сайтында жарияланды
Жоғарғы Сот Бақытжан Байжановтың кассациялық шағымын қарайтын күні белгілі болды, деп хабарлайды Malim.kz.
Сот талқылауының күні Сот кабинетінің сайтында жарияланды. Онда шағымды қарау 2024 жылғы 4 қыркүйекте өтетіні жазылған.
Айта кетейік, Қуандық Бишімбаевт әйелі Салтанат Нүкенованы азаптағаны және аяусыз өлтіргені үшін 2024 жылдың 13 мамырында 24 жылға бас бостандығынан айрылған еді. Оның туысы Бақытжан Байжановқа қылмысты жасырғаны үшін 4 жылға бас бостандығынан айыру жазасы тағайындалды.
Ал 2024 жылғы 26 маусымда Астанада апелляциялық саты Қуандық Бишімбаев пен Бақытжан Байжановтың үкімін өзгеріссіз қалдырды.
Фото: Жоғарғы сот
