«Басшылар атынан қоңырау шалады». Антикор алаяқтардан сақ болуға шақырды
Ондай деректерді дереу құқық қорғау органдарына хабарлауды сұрайды
![](/images/article-img/1600/23401-1721458110-m.jpg)
Сыбайлас жемқорлыққа қарсы қызмет мессенджерлер (WhatsApp, Telegram және басқа да байланыс арналары) арқылы жалған аккаунттар құратын және Сыбайлас жемқорлыққа қарсы іс-қимыл агенттігінің басшылығы мен орган қызметкерлерінің атынан қоңырау шалатын, сондай-ақ жалған ақпарат жіберетін жеке тұлғалардың алаяқтық әрекеттерінен азаматтарға сақ болуды ескертеді, деп хабарлайды Malim.kz.
Агенттік мәлімдеуінше, алаяқтар Антикор символикасы бар арнайы жасалған құжаттардың файлдарын жібереді.
Жалған ақпараттық таратуларға сенбеуді, күмәнді сілтемелерге өтпеуді, сондай-ақ қолма-қол ақша аудармауды сұраймыз, деп жазды Агенттік мәлімдемесінде.
Ал мұндай хабарлама алған жағдайда, осы деректерді құқық қорғау органдарына дереу хабарлау қажет.
Фото: vzsar.ru