Астана қаласы Мәдениет басқармасының бұрынғы басшысы Болат Мажағұловқа қатысты сот үкімі шықты, деп хабарлайды Malim.kz.
Оның ісі Астана қаласы сотында қаралып, 8 жыл 6 айға бас бостандығынан айрылды.
Айта кету керек, былтыр қыркүйекте ол 2016 жылы салынған «Күн» атты субұрқақ құрылыс кезінде 1 млрд-тан астам қаржыны қолды етті деген күдік бойынша ұсталған еді. Өйткені, 2017 жылдан бері бұл су бұрқақ апатты жағдайда деп танылған және оның құрылысы мемлекеттік сатып алу рәсімдерін бұза отырып жүргізілген. Жоба-сметалық құжаттамасы мүлде болмаған. Мемлекеттік сараптамадан да өтпеген.
Қаржы мониторингі агенттігінің хабарлауынша, құрылыс салу кезінде техникалық сипаттамаларға сәйкес келмейтін, сапасы нашар материалдар пайдаланылған.
Сонымен қатар, Болат Мажағұловтың 3 коммерциялық нысаны, 2 автотұрағы мен қымбат пәтері бұғатталып отыр. Екі күдіктінің 572 миллион теңгеден астам қаражатына шектеу салынды.
Фото: instagram/bolatmazhagulov
Байланысты жаналықтар
MalimBlocks
