Былтыр Астанада заңсыз айналымдағы 163 мың литр алкоголь анықталған
Сондай-ақ, 80 мыңнан астам темекі қорабы әшкереленген
Астана қаласы бойынша Мемлекеттік кірістер департаменті 2024 жылы көлемі 163 мың литрден асатын алкоголь өнімінің заңсыз айналымын анықтады, деп хабарлайды Malim.kz.
Департамент мәлімдеуінше, оған 11 миллион теңгеден астам айыппұл салынған. Сонымен қатар, есептік кезең ішінде бақылау іс-шаралары барысында құны 68 миллион теңгеден асатын 80 мыңнан астам қорап темекі өнімдерінің заңсыз сатылымы анықталған.
Айта кетейік, алкогольді, этил спиртін және темекі өнімдерін тиісті сертификаттарсыз және сәйкестік белгілерінсіз, сондай-ақ, техникалық регламенттерді сақтамай сатуға тыйым салынады.
Фото: gov.kz
