АҚШ пен Иран арасындағы әскери шиеленіс күшейіп келеді деп хабарлайды Malim.kz BBC-ге сілтеме жасап.
18 шілдеге қараған түні АҚШ әскері Иран аумағындағы нысандарға кезекті соққы жасады. Бұл – АҚШ президенті Дональд Трамп бітімнің күшін жойғанын мәлімдегеннен кейінгі жетінші түнгі операция.
АҚШ Орталық қолбасшылығының (CENTCOM) мәліметінше, соққылар бақылау бекеттеріне, әскери логистикалық инфрақұрылымға, жер асты қару-жарақ қоймаларына және Иранның әскери-теңіз күштерінің нысандарына бағытталған. Вашингтон бұл әрекетті Иранның әскери әлеуетін әлсірету мақсатында жасалғанын мәлімдеді.
Иранның мемлекеттік ақпарат құралдары елдің орталығындағы Йезд қаласында, сондай-ақ Кешм аралы мен Ормуз бұғазы маңындағы Бандар-Аббас портында жарылыстар болғанын хабарлады.
Бұған жауап ретінде Тегеран АҚШ-тың Иордания, Кувейт, Бахрейн және Сауд Арабиясындағы әскери базаларына соққы жасағанын мәлімдеді. Иордания әскері 10 ирандық зымыранның әуеде жойылғанын хабарласа, Кувейтте әуе қорғаныс жүйесі іске қосылды. Ал Бахрейндегі АҚШ әскери-теңіз базасы орналасқан ауданда әуе дабылы жарияланды.
Сонымен қатар, Иранның Ислам революциясы сақшылар корпусы (КСИР) Ормуз бұғазының АҚШ бақылауындағы оңтүстік бағытымен өткен екі мұнай танкері минаға жарылғанын мәлімдеді.
