Мыңнан аса бекіре мен 67 итбалық табиғи мекеніне жіберілді (ФОТО)

ҰҚК Шекара қызметі ағымдағы жылдың 1 сәуірінен 31 мамырына дейін Атырау, Маңғыстау және Батыс Қазақстан облыстарында оларға іргелес жатқан аумақтық суларда Каспий теңізінде «Бекіре-2024» балық қорғау акциясын өткізді, деп хабарлайды Malim.kz.

Нәтижесінде аумақтық және ішкі су режимін бұзған 90 адам, шекара режимін бұзған 72 адам ұсталып, 69 жүзу құралы тәркіленген.

Көптеген браконьерлік аулау құралдары, оның ішінде 263 км-ден астам торлар мен 20 мың ілмек тартып алынған.

Одан бөлек, 1 085 бекіре тұқымдас балық (салмағы 5 536 кг), 65 474 ұсақ тұқымдас балық (салмағы 52 571 кг), сондай-ақ 67 итбалық табиғи мекеніне жіберілді.

Салынған әкімшілік айыппұлдың жалпы көлемі 7,3 млн теңгеден асты.

Қазақстанның 3 азаматына қатысты Қылмыстық кодекстің 339-бабы бойынша (өсiмдiктердің немесе жануарлардың сирек кездесетін және Құрып кету қаупі төнген, сондай-ақ, өсімдіктер мен жануарлардың түрлеріне, олардың бөліктеріне немесе дериваттарына пайдалануға тыйым салынған түрлерге заңсыз қарау) қылмыстық іс қозғалды.

Мемлекетке келтірілген залал 2,3 млрд теңгеге бағаланады.

Фото: ҰҚК