Психикалық емдеу орталығында бала зорлаған қызметкерлер қамауға алынды

Бұл туралы қалалық полиция департаменті хабарлады. Күдіктінің екеуі де Түркістан облыстық психикалық денсаулық орталығының қызметкері.

Еске салайық, бұған дейін бірнеше ата-ана психикалық орталықта ем қабылдаған қыз балаларын мекеме қызметкерлері бірнеше рет зорлағанын, салдарынан олардың жүкті болып қалғанын айтып шағымданған. Түркістан тұрғынлары балаларының жасанды түсік жасатқанын айтқан еді. Оқиға жайлы үш ай бұрын белгілі болды. Ал күдіктілер енді қамауға алынған.

- Бұрын хабарлағандай психиатриялық емханадағы зорлау туралы арыз бойынша полициямен қылмыстық іс қозғалған. Қазіргі таңда кешенді тергеу іс-шаралары жүргізілуде. Күдікті екі тұлға сот санкциясымен қамауға алынды. Тергеу әрекеттері жалғасуда,-деді Әл-Фараби аудандық полиция басқармасының бастығы Батыр Мырзагелдиев.

Фото: Halyq Uni