ҚТЖ-ның жемқорлығын «әшкерелеген» қызметкердің өзіне қылмыстық іс қозғалған
Ол президенттің осы іске назар аударуын сұрап отыр
«Қазақстан темір жолы» ұлттық компаниясы тағы да дауға ілікті. Компанияның бұрынғы қызметкері Сәлмен Әмрин президент Қасым-Жомарт Тоқаевқа ашық бейнеүндеу жасап, компаниядағы жемқорлық схемаларының салдарынан миллиардтаған шығынға ұшырап жатқанын мәлімдеді. Бұл туралы HALYQSTAN телеграм-арнасы жазды, деп хабарлайды Malim.kz.
Әмриннің айтуынша, ол және бірнеше әріптесі компаниядағы жемқорлық әрекеттерін әшкерелеп, бұл туралы прокуратураға хабарлаған. Алайда, тергеу ісі күдікті деп саналуға тиіс адамдарға тапсырылып, мәселені шешу орнына, олар компаниядан кетуге мәжбүр болып, өзіне және әріптестеріне қарсы қолдан қылмыстық істер жасалғанын айтады.
Сәлмен Әмрин – Техас университетінің Frank H. Dotterweich атындағы стипендиясының иегері, өндірістік кәсіпорындарды басқару ғылымдарының магистрі және Purdue университетінің докторантура тыңдаушысы. Қазір оған қарсы қылмыстық іс қозғалған, бірақ, ол істің қолдан жасалғанын және өзінің отбасына құқық қорғау органдары тарапынан қысым көрсетіліп жатқанын мәлімдеді. Сондықтан президенттен бұл мәселеге араласуын және «Қазақстан темір жолы» компаниясындағы жемқорлықты тоқтатуды сұрап отыр.
Фото: скриншот
