Заңсыз шарт жасаған шенеуніктер жауапқа тартылды
Заң бұзғандар 14 млн теңге көлемінде айыппұл төледі
Шығыс Қазақстанда шенеуніктер 1,4 млрд теңге сомасына заңсыз 78 келісімшарт жасаған. Бұл облыстық прокуратура төтенше жағдай салдарын оқшаулау және жою үшін мемлекеттік сатып алу шарттарын жасасу заңдылығын тексеру кезінде анықтап отыр.
- Осы шарттарды жасау кезеңінде төтенше жағдай жарияланбаған, сәйкесінше, бір көзден шарт жасасуға негіз болмаған. Атап айтқанда, ЖАО қар шығару, әкімшілік ғимараттарды ағымдағы жөндеу, мұздан тазартатын реагенттер және басқа тауарларды, жұмыстар мен қызметтерді сатып алды, - деп хабарлады прокуратурада.
Бұл заңбұзушылыққа жол берген лауазымды тұлғалар әкімшілік жауапкершілікке тартылып,14 млн теңге көлемінде айыппұл төледі.
Фото: Закон кз
