Ләззат Танысбай "Хабар" агенттігі" АҚ басқарма төрағасы қызметіне тағайындалды. Бұл туралы Қазақстанның Мәдениет және ақпарат министрлігі хабарлады, деп жазады Malim.kz.
Ләззат Танысбайдың телевизия және медиа саласындағы еңбек өтілі 30 жылдан асады. Ол әр жылдары "Астана" телеарнасын, "Нұр-Медиа" медиахолдингін, "Қазақстан" РТРК" АҚ-ны және "Бірінші арна Еуразия" телеарнасын басқарған.
Сондай-ақ Қазақстан Республикасының Байланыс және ақпарат вице-министрі қызметін атқарды.
Жаңа қызметінде Ләззат Танысбайға "Хабар" агенттігінің қалыптасқан әлеуетін сақтай отырып, негізгі жұмыс бағыттарын кезең-кезеңімен жаңғырту міндеті жүктелді.
Сонымен бірге "24KZ" телеарнасының еліміздегі жетекші қоғамдық-саяси арналардың бірі ретіндегі орнын нығайту көзделіп отыр.
Ал бұған дейін "Хабар" агенттігі" АҚ басқарма төрағасы қызметін атқарған Кемелбек Ойшыбаев қызметінен босатылды.
