Париж прокуратурасының хабарлауынша, Луврдағы қымбат зергерлік бұйымдарды ұрлау ісі бойынша тергеу аясында 38 және 39 жастағы екі ер адам және 31 мен 40 жастағы екі әйел жауап алуға ұсталды, деп хабарлайды Malim.kz. DW-ге сілтеме жасап.
Француз полициясы Луврдағы корольдік әшекейлердің даулы ұрлығынан кейін бес апта өткен соң тағы төрт күдіктіні ұстады.
«Бұл – Париж аймағынан шыққан 38 және 39 жастағы екі ер адам және 31 мен 40 жастағы екі әйел», – деді 25 қараша, сейсенбі күні Париждің бас прокуроры Лора Бекко.
AFP агенттігі келтірген Бекконың мәлімдемесінде 19 қазанда болған Луврды тонауға күдіктілердің нақты қандай рөл атқарғаны айтылмайды. Францияда алдын ала ұстау мерзімі тергеу үшін 96 сағатқа дейін созылуы мүмкін.
29 қазан күні басталған тергеу аясында бұған дейін тағы төрт адамға айып тағылған болатын. Олардың ішінде музейді тікелей тонады деп күдіктелген 35, 37 және 39 жастағы үш ер адам бар. Төртінші ұсталған – 38 жастағы әйел, ол қылмысқа сыбайлас болды деп айыпталуда.
