Шәкір Кейкіні қазақстандықтар Қаңтар оқиғасы кезінде таныған. Ол 2019-2022 жылдары Мақат ауданының әкімі қызметін атқарған. Атырау облысы Мақат ауданының тұрғындары 2022 жылы 4 қаңтарда Жаңаөзенде газ бағасын елу теңгеге түсіруді талап етіп наразылыққа шыққандарға қолдау білдіріп, алаңға жиналғанда ауданның әкімі бірінші күні келгенімен ертеңіне көрінбеген, полиция да келмей қойған. Әкім ауданды тастап Атырауға кетіп қалғанын білген соң жергілікті халық өз қамын өзі ойлауға кірісіп, қоғам белсендісі Ғазиз Ғабдуллинді әкім етіп сайлап алған.
Қаңтар оқиғасы біткесін облыс әкімі сөзінен тайып, Шәкір Кейкін аудан әкімдігі қызметіне қайта кіріскен.
2023 жылғы наурыздан бастап қазіргі қызметке тағайындалғанға дейін Шәкір Кейкін Сауда және интеграция министрлігі Сауда департаментінің басшысы қызметін атқарды.
