Денсаулық сақтау министрлігінің ресми өкілі Бағдат Қожахметов дәрігер Алмаз Шарманның "қарашада күніне 80-100 адам қайтыс болады" деген болжамына түсінік берді.
"Ғалымдар мен ғылыми орталықтардың ондай болжам жасауға құқығы бар. Оны көпшілікке жеткізуге құқығы бар. Бірақ ең бастысы, болжамның үш түрі болады. Пессимистік, яғни ең қиын жағдайдағы болжамға дайындалу керек. Денсаулық сақтау жүйесінде кемінде 55 мың адам қабылдай алатын провизорлық орталықтар дайын. Олар және емханалар дәрі-дәрмекпен қамтылған. Кез келген жағдайда болжамның орындалу орындалмауы белгісіз, ең бастысы денсаулық сақтау жүйесін дайындап, ең бастысы, ондай болжамның орындалуына жол бермеу керек", - деді Б.Қожахметов.
