Таиландтың Чиангмай қаласында өтіп жатқан Азия чемпионатында тағы бір қазақстандық боксшы жеңіліс тапты, деп хабарлайды Malim.kz.
Мұхаммедсабыр Базарбайұлы 63,5 келіге дейінгі салмақта таиландтық Сомчай Вонгсуанға қарсы ширек финалда қолғап түйістірді. Нәтижесінде таиландтық спортшы 4:1 есебімен жеңіске жетті.
Айта кетейік, бұған дейін 60 келіге дейінгі салмақта Бейбарыс Жексен мен 54 келіге дейінгі салмақта Махмұд Сабырхан жарысты аяқтаған еді.
Фото: ҰОК
