Қызғалдақ жұлған әйел 12 миллион теңгеге жуық айыппұл төлеуі мүмкін

Сирек кездесетін қызғалдақты жұлған адамға 12 миллион теңгеге жуық айыппұл салынуы мүмкін, - деп хабарлайды Malim.kz тілшісі Massaget.kz-ке сілтеме жасап.

Түркістан облысының полициясы Қызыл кітапқа енген қызғалдақты жұлған әйелді іздеп жатыр. Ордабасы ауданында түсірілген видео әлеуметтік желілерде тарап кетті. Сирек кездесетін гүлдерді жинауға заңмен тыйым салынған, енді полиция қызметкерлері видеодағы адамның кім екенін анықтайды.

Желіде тараған видеодан Грейг қызғалдағы гүлдей бастағанда кейбіреулері оның әсемдігіне таңданса, ал біреулері заңды бұзып, гүлдерді жұлып алатыны көрінеді.

Сәуір басталғалы полиция мұндай жағдайларды іздеу мақсатында әлеуметтік желілерді үнемі бақылап отырады. Айта кетейік, жабайы қызғалдақтар 4 жылдан 7 жылға дейін жерде сақталуы мүмкін тұқым арқылы көбейеді. Гүлді жұлса, тұқымы да жоғалады, осылайша жаңа гүл шығуы сирей түседі.

Қызғалдақ Қызыл кітапқа енген. Оны жұлғаны үшін ҚР ҚК-нің 339-бабына сәйкес қылмыстық жауапкершілік көзделген.

Бұл үшін 3000 АЕК-ке дейін (11 796 000 теңге) айыппұл не қоғамдық жұмыстарға 800 сағатқа дейін тарту түріндегі жаза не 3 жылға дейін бас бостандығын шектеу жазасы берілуі мүмкін.

Фото: видео кадры