Шымбұлақта ішімдік ішкен шетелдіктер қызметкерге шабуыл жасады

Алматыдағы Шымбұлақ курортында шетелдік туристер ішімдік ішіп, жанжал шығарған, деп хабарлайды Malim.kz.

Болған оқиғаға байланысты жедел түрде ішкі тексеріс жүргізіліп, белгіленген қауіпсіздік стандарттарына сәйкес тиісті шаралар қабылданды, – деп хабарлады тау шаңғысы курортының әкімшілігі.

Әкімшіліктің мәліметінше, жанжалды алкогольдік ішімдік ішкен шетелдік қонақтар тобы бастаған. Олардың бірі кассирді ұзақ күтуіне байланысты наразылық білдірген. 

Жағдай күрделене түскен соң оқиға орнына жедел әрекет ету тобы келді, алайда жанжал физикалық қақтығысқа ұласты. Полиция келгеннен кейін жанжалға қатысушылардың барлығы мән-жайды анықтау үшін аудандық полиция бөліміне жеткізілді, – деп мәлімдеді курорт әкімшілігі.

Алматы полиция департаментінің мәліметінше, жанжалға қатысушыларға қатысты «Бұзақылық» бабы бойынша қылмыстық іс қозғалды.

Бұл құқық бұзушылыққа қатысы бар деген күдікпен бес адам ұсталды. Олар уақытша ұстау изоляторына қамалды. Қазіргі уақытта объективті мән-жайлар анықталуда, – деп хабарлады Алматы полиция департаментінің баспасөз қызметі.

Фото: видеодан кадр