Танымал блогер Daricorn жауапкершілікке тартылды
Танымал блогер Дариға Нұркеева (Daricorn) әкімшілік жауапкершілікке тартылды
Танымал блогер Дариға Нұркеева (Daricorn) әкімшілік жауапкершілікке тартылды, - деп хабарлайды Malim.kz тілшісі Massaget.kz-ке сілтеме жасап.
Полиция мәліметінше, интернетті талдау барысында белгілі блогер жол қозғалысы ережесін өрескел бұзған, сигнал бермей, кенет қозғалыс жолағын ауыстырып, жол апаты жағдайын тудырған видео анықталған.
"Тергеу қорытындысы бойынша құқықбұзушы ҚР ӘҚбК-нің 595-бабы 1-бөлігі (сигнал беру талаптарын орындамау) және ҚР ӘҚбК-нің 606-бабы 1-бөлігі (апат жағдай ынтуғызу) бойынша әкімшілік жауапкершілікке тартылды", - деп жазылған хабарламада.
Полиция мәліметінше, мұндай әрекеттер - жай ғана жауапсыздық емес, ол басқалардың өмірі мен денсаулығына қасақана қауіп төндіру, мұның бәрі интернеттегі лайк пен қаралым үшін жасалады.
"Заң - бәріне бірдей. Жазаның бұлтартпау принципі бәріне қолданылады. Алматы полициясы заңбұзушылық бар әрбір видеодан шара қолданылатынын ескертті", - деп жазылған хабарламада.
Фото: instagram.com/daricorn.rr
