9 адам зардап шекті: Алматыда тағы да автобус апаты болды

Бүгін таңертең Алматыда жүк көлігі мен жолаушылар автобусының соқтығысты. Салдарынан тоғыз адам зардап шекті, деп хабарлайды Malim.kz.

Алматы қалалық Полиция департаментінің баспасөз қызметі апат Наурызбай ауданында сағат 09:15-те болғанын мәлімдеді.

Жүк көлігінің жүргізушісі Әшімов көшесімен солтүстік бағытта, Шаляпин көшесінің солтүстігінде, аялдама кешеніне тоқтаған №137 маршруттық автобуспен соқтығысқан. Соқтығысу кесірінен автобус инерция арқылы Шығыс жолға шығып, жеке үйдің қоршауына соғылды. Апат салдарынан автобустың тоғыз жолаушысы зардап шекті, - делінген ведомствоның ресми хабарламасында.

Еске салсақ, қалада бұған дейін де автобус апаты болып, жүргізуші қамауға алынған еді. 

Фото: t.me/almatynews_kaz/