«Әуре болмаңдар». Азамат Сатыбалды шеруге шыққан «Қазақфильм» қызметкерлеріне үндеу жасады
Актер наразылық шеруді белгілі бір топ ұйымдастырғанын алға тартады.
![](/images/article-img/1600/23460-1721716221-m.png)
«Қазақфильм» киностудиясының басшысы Азамат Сатыбалды шеруге шыққан қызметкерлеріне қатысты мәселенің мән-жайын айтып, жалған ақпарат екенін мәлімдеді, деп хабарлайды Malim.kz.
Киностудия басшысы Instagram парақшасында «Жалған ақпаратқа жүйелі жауап» деп 12 пункт бойынша нақты жауап жазып шыққан. Ол киностудия қызметкерлері айлығын уақытылы алып отырғанын атап өткен.
"1. Қазақфильм мен Қазақанимация қызметкерлері айлықтарын толық алып отыр.
2. Бұл, Алтын адам жобасының шығармашылық тобы.
Айлық емес, қаламақы. (Гонорар)
3. Жоба, 2019 жылы басталған. Бес жыл созылып бітпей келе жатыр.
Соңғы мерзім бойынша 2023-те біту керек екен.
4. 90% ақшасы төленген.
5. 10% пайызы қалған.
6. Бұл жоба, ұлттық киноны қолдау орталығының тапсырысы.
7. Қазақфильм орындаушы орган.
Қазақфильм де қаражатын ала алмай, зардап шегіп отыр.
8. Кино орталығы жобаны қабылдамады. Ол жерде эксперттік кеңес бар.
9. Содан кейін, сот процесі басталды.
10. Бұл жүйелі шара. Бәрін заңдастыру үшін.
11. 20-шы маусым күні, ұлттық киноны қолдау орталығының бастығы Құрманбек мырзамен кездесу өтті. Сол жерде ортақ шешімге келді.
Жобаның режиссері мен авторлары, қол алысып келісті.
12. Қазақфильм сол бағытта жұмысын бастап кетті", - деп жазды ол парақшасында.
Сонымен қатар, Азамат Сатыбалды бұл мәселеге қатысты өзін кінәламауды сұраған.
"Бұл жерде, жобаға қатысы жоқ мені және Қазақфильмді кінәләу дұрыс емес. Қазақфильм де жәбірленуші. Қалай болмасын, "Алтын адам" жобасы жарыққа шығады. Шығармашылық топ қаламақысын алады. Соған сәл уақыт және сабыр керек. Осыны пайдаланып, пиғылы басқа және бұл жобаға дым қатысы жоқ, осыны ұйымдастырған белгілі бір топқа айтарым... Абыройды беретін Жаратқан және алатын да Жаратқан. Әуре болмаңдар", - деп жазды ол.
Фото: instagram.com/azamatc
MalimBlocks
![](/images/article-img/600/24489-1725425018.webp)