"Баспана алып беремін": Астанада тұрғындарды сан соқтырған алаяқ ұсталды
Күдікті істеген ісін мойындаған
Елордада алаяқтыққа қатысы бар күдікті ұсталды, деп хабарлайды Malim.kz.
Мемлекеттік бағдарлама бойынша ипотекалық несие алуға көмектесемін деген сылтаумен 25 эпизод бойынша алаяқтық жасады деген күдікпен елорда тұрғыны анықталды.
"Жәбірленушілер еш келісімшарт жасамай, күдіктінің банк картасына ақша аударған. Полицияға 44 жастағы елорда тұрғыны жүгінді. Алаяқ ипотекалық несиеге баспана алуға көмектесемін деп одан шамамен 2 миллион теңге көлемінде қаражат сұраған", - деп жазылған хабарламада.
Алаяқтық бойынша сотқа дейінгі тергеу амалдары жүргізіліп жатыр. Күдікті істеген ісін мойындаған. Оның ақшаны жеке қажетіне жұмсағаны анықталды.
Фото: freepik
