«Богатырь» кәсіпорнының 24 кеншісі мінген автобус жол бойына аударылды. Зардап шеккендерге тиісті медициналық көмек көрсетіліп жатыр.
Павлодар облысы полиця департаментінің хабарлауынша, «ПАЗ» маркалы автобус жүргізушісі рульге ие бола алмай, көлік жол жиегіне аударылып кеткен. «Автобус салонында компанияның 24 қызметкері болған. Жол-көлік апаты салдарынан қаза тапқандар жоқ. Оқиға орнында зардап шеккендерге медициналық көмек көрсетілді».
Еске сала кетейік, Павлодарда скутерге мінген екі жасөспірім Камазға соғылып, көз жұмды.
«Апат салдарынан техника рулінде отырған бала сол жерде тіл тартпай кеткен. Ал екіншісі жедел жәрдем көлігімен Павлодар қаласындағы № 1 ауруханаға жеткізілген. Алайда алған жарақаты ауыр болып, ауруханада көз жұмды», -деп мәлімдеді полициядан.
Фото: Ашық дереккөз
