Париж Олимпиадасының чемпионы Елдос Сметов аудан имамына умра сапарына жолдама сыйлады, деп хабарлайды Malim.kz.
Бұл жолдаманы имамға «Өнер қырандары» театрының актері, қайырымдылық қорының мүшесі Мадияр Серікбаев табыстаған.
Елдос Сметов аманаттап берген Умра сапары Абай облысы Бородулиха ауданың имамы Нұрғазы ағамызға табысталды, - деп жазды актер өзінің әлеуметтік желідегі парақшасында.
Естеріңізде болса, Елдос Сметов ұлдарының сүндет тойы мен қызының тілашарында Мадияр Серікбаевқа кіші қажылыққа сертификат табыстап, мұқтаж жанға бұйырсын деген тілегін жеткізген еді.
