Елімізде соңғы жылдары ажырасқандар саны артқан

Статистика 2021-2023 жылдары некені бұзу туралы соттар қараған істер санының артқанын көрсетеді, деп хабарлайды Malim.kz.

Malim Админ

  • 02.04.2024

Бұл туралы Жоғарғы соттың баспасөз қызметі мәлімдеді.

Мәселен, соттарға 2021 жылы 80 мыңнан астам, 2022 жылы 82 мың, 2023 жылы 78 мыңнан астам іс пен арыз түскен. Олардың тең жартысына жуығын сот қанағаттандырған.

Ажырасқысы келетіндер Алматыда, Алматы мен Қарағанды облыстарында көбірек. Ең азы Ұлытауда тіркелген.

Апелляция 89 (шешімге шағымғандардың 8,1%-ы), кассация 4 сот актісін (3,7%) бұзды.

Бұл ретте жыл сайын некелескісі келетіндердің азайып бара жатқанын атап өткен жөн.

Мәселен, 2021 жылы АХАТ органдары 120 мыңнан астам неке тіркесе, 2022 жылы 128,4 мың, 2023 жылы 120,9 мың некені тіркеген. Салыстырмалы түрде айтсақ, 2017 жылы 140 мыңға жуық жас жұбайлар шаңырақ көтерген.

Өткен жылдың күзінен бастап кәмелетке толмағандар істері жөніндегі соттардың соттылығы айтарлықтай кеңейді. Мәселен, қазір республикадағы кәмелетке толмағандардың істері жөніндегі мамандандырылған 19 ауданаралық сот балалардың мүддесіне қатысты барлық дауды қарайды.

Бұл отбасылық соттар ажырасу туралы істерді мына жағдайларда қарайды:

егер ерлі-зайыптылардың кәмелетке толмаған ортақ балалары болса;

ерлі-зайыптылардың бірі ажырасуға келіспесе;

егер ерлі-зайыптылардың біреуі қарсылық болмаған жағдайда да өз әрекетімен (әрекетсіздігімен) некені бұзудан жалтарса.

2018 жылдан бастап «Отбасылық сот» жобасы аясында қазақстандық соттар отбасын сақтауға бағытталған бірқатар шараны іске асырып жатыр. Тараптарға құқықтық және психологиялық көмек көрсетіледі. Жоба аясында ажырасу туралы талап қою түскеннен кейін жұмысқа психологтар мен медиаторлар тартылады. Алғашқылар ерлі-зайыптылармен әңгіме жүргізеді. Оларды мұндай қадамға баруға итермелеген себептерді анықтап, проблеманы талқылап, тараптарды татуластыруға тырысады. Егер адамдар түпкілікті шешім қабылдаса, медиаторлар көмекке келеді. Олар қарым-қатынастарды реттеуді, тату болып қалуды және өркениетті түрде сөйлесуді ұсынады. Ерлі-зайыптылар мүлікті бөлу туралы келісім жасайды. Егер олардың ортақ балалары болса, онда баланың тұрғылықты жерін, алимент өндіруді және баланың ата-анасымен сөйлесу тәртібін анықтау туралы келіседі. Яғни, бұл мәселелердің барлығы сотқа дейін шешіледі.

Фото: интернеттен

Байланысты жаналықтар

«Төрт әйелі мен зәулім сарай иесі»: Имамға жала жапқан таксиші жазаланды

07.02.2025

17 жастағы жігіттің жыныс мүшесін ұстаған Алмас Кішкенбаевқа үкім шықты

05.02.2025

Бүгін Алмас Кішкенбаевтың соты өтеді

03.02.2025

Болат Мажағұлов 8 жарым жылға сотталды

31.01.2025

Астанада ел спортшыларын IX қысқы Азия ойындарына салтанатты түрде шығарып салды

30.01.2025

СІМ 369 қазақстандықтың АҚШ-тан депортацияланатынын растамады

30.01.2025
MalimBlocks
«Төрт әйелі мен зәулім сарай иесі»: Имамға жала жапқан таксиші жазаланды

Ол 707 760 теңге айыппұл төлейтін болды

17 жастағы жігіттің жыныс мүшесін ұстаған Алмас Кішкенбаевқа үкім шықты

Оған 15 тәулікке қамауға алу жазасы тағайындалды

Бүгін Алмас Кішкенбаевтың соты өтеді

Әкімшілік құқық бұзушылық туралы кодексінің 434-бабының 1-бөлігі бойынша іс қаралады

Болат Мажағұлов 8 жарым жылға сотталды

Қыркүйектен бері созылған сот ісі осылай бітті

Астанада ел спортшыларын IX қысқы Азия ойындарына салтанатты түрде шығарып салды

Құрама сапында 137 спортшы бар

СІМ 369 қазақстандықтың АҚШ-тан депортацияланатынын растамады