Ферроқорытпа зауытында зардап шеккендерді ауруханаға қызметтік көлікпен жеткізген
Компания бұл жағдайға қатысты түсініктеме берді
![](/images/article-img/1600/23420-1721558135-m.jpg)
Зауыттың алыста орналасқанына және шұғыл көмекті барынша тез көрсету қажеттілігіне байланысты алғашқы көмекті көрсетіп, зардап шеккендерді зауыттың кезекші көлігімен ауруханаға жеткізу туралы шешім қабылданған, деп хабарлайды Malim.kz.
«YDD Corporation» баспасөз қызметінің мәлімдеуіне, кезекші көлік зардап шеккендерді Мақажанов атындағы ауруханаға жеткізген.
Жұмысшыларға барлық қажетті алғашқы шұғыл және амбулаториялық көмек көрсетілді.
Сонымен қатар, компания қажетті медициналық көмекті көрсету үшін Ресейден ең жақсы дәрігерлер тобының қысқа мерзімде келуін ұйымдастырды. Бұған қоса, қазіргі уақытта Түркиядан дәрігерлердің келуі күтіліп отыр, деп жазды баспасөз қызметі.
Сондай-ақ, компания зардап шеккендерге барлық қажетті көмекті көрсететінін және аурухананың медициналық қызметкерлерімен және зардап шеккендердің туыстарымен үнемі байланыста екенін хабарлады.
Айта кетейік, бұған дейін Қарағандыдағы YDD Corporation ферроқорытпа зауытында штаттан тыс жағдай болғанын жазған едік. Онда кенеттен шыққан жалынның салдарынан кәсіпорынның 8 жұмысшысы түрлі дәрежеде жарақат алған.
Фото: gov.kz
Байланысты жаналықтар
MalimBlocks
![](/images/article-img/600/24404-1725165138.jpg)