Киевте шабуылға ұшыраған журналист Айдос Садықов қайтыс болды
Бұл туралы оның әйелі Наталья Садықова мәлімдеді.
Киевте шабуылға ұшыраған журналист Айдос Садықов қайтыс болды, деп хабарлайды Malim.kz.
Бұл туралы оның әйелі Наталья Садықова мәлімдеді.
Айдос Садықов бүгін Киев уақытымен сағат 03:00-де о дүниеге аттанды. Менің сүйген жарым, үш баламыздың әкесі, қазақ халқының даңқты ұлы. Айдос Қазақстан үшін өз өмірін қиды, киллерлердің қолынан шейіт болды. Он үш күн бойы Айдос реанимацияда өмір сүру үшін күресті, бірақ аман қалмады, – деп хабарлады Айдос Садықовтың әйелі Наталья.
Еске салсақ, бұған дейін Украина бас прокуратурасы қазақстандық журналист Айдос Садықовқа жасалған қастандықтың мән-жайын жариялаған еді. Ондағы мәліметке сүйенсек, шабуыл жасады деген күдіктілер 2 маусымда Польшадан келген.Күдікке ілінген екеу - Қазақстанның Алтай Жақанбаев пен Мейрам Қаратаев деген азаматтары.
Күдіктілер журналист Айдос Садықовты өлтіруді мұқият жоспарлағаны нақтыланды. Олар Украинаға 2 маусымда Польшадан келіп, көлікті жалға алып, журналисті бақылаған. Қастандық жасалған күні олардың бірі журналистің көлігіне барып, оқ жаудырған. Екіншісі аңдып тұрған. Содан кейін екеуі де қылмыс орнынан із жасырып кеткен. Сол күні олар Молдоваға өтіп кеткен.
Фото: RFE/RL
Байланысты жаналықтар
MalimBlocks
