Мектепте оқитын қыздарға қырындап хат жазған блогерге қатысты прокуратура тексеріс жүргізбек
Жақында Күлпынай Қалменова блогер күйеуі Қолғанат Жұмабаевтың 10 және 11 жастағы екі қызбен әдепсіз хат алысып тұрғанын жария еткен.
Қазақстандағы Бала құқықтары жөніндегі уәкіл Динара Закиева күйеуін педофилиямен айыптаған блогер Күлпынай Қалменованың ақпаратына қатысты тексеріс жүргізілетінін айтты, деп хабарлайды Malim.kz.
Жақында Күлпынай Қалменова блогер күйеуі Қолғанат Жұмабаевтың 10 және 11 жастағы екі қызбен әдепсіз хат алысып тұрғанын жария еткен.
Аталған жағдай бойынша мен және заңгер кеше блогермен байланысқа шықтық. Қалалық прокуратурамен бірге процестік шешім қабылдау мәселесі бойынша жұмыс істеп жатырмыз. Уәкілетті органдармен бірлесе отырып, балалардың құқықтарын қорғау үшін барлық қажетті шараларды қабылдаймыз, деп жазды Динара Закиева.
Сонымен қатар уәкіл ата-аналарды қырағы болуы шақырып, баланың кіммен араласатынын бақылауға, оған қауіп-қатерлер мен соның ішінде әлеуметтік желідегі қауіптер жайлы айтып отыруға шақырды.
2023 жылдың қыркүйегінде мектептерде енгізілген қауіпсіздік сабақтары аясында қаралатын тақырыптарды талқылау маңызды. Балалар қауіпсіздігіне қатысты кез келген күмәнді жағдайларды 102 немесе 111 нөмірлеріне хабарлау қажет, – дейді ол.
Айта кетейк, бұған дейін әлеуметтік желілерде қазақстандықтар 10 және 11 жастағы кәмелетке толмаған қыздармен күдікті хат жазысқан блогердің әрекетін талқыланған болатын.
Фото: Видеодан кадр
