Бас прокуратура іздеп жатқан күдіктілерге қатысты ақпарат ұсынды, деп хабарлайды Malim.kz.
Бас прокуратура Қарағанды облысында хоккейді дамытуға бөлінген бюджет қаражатын жымқыруға күдікті Ниғматулин А.З. және басқа да адамдарға қатысты қылмыстық істі тергеп жатыр.
Сотқа дейінгі тергеу аясында Ниғматулин А.З. күдікті деп танылды, соттың санкциясымен оған қамауға алу түріндегі бұлтартпау шарасы тағайындалды. Ол Қазақстан Республикасынан тыс жерде жүргеніне байланысты іздеуге жарияланды. Тергеу мүддесі үшін өзге ақпарат жарияланбайды, - делінген хабарламада.
Айта кетейік, бұған дейін Мәжілістің экс-төрағасы Нұрлан Нығматулиннің 69 жастағы ағасы Арғын Нығматулинге іздеу жарияланған еді.
Фото: saryarka-hc.kz
